تعريف عن تخصص مختبرات طبية
السؤال يقول :
1. بس تتخرج شو تشتغل بهي الشهادة يلي تحصل عليها
2. شو اكتر شي عملي ولا نظري .. طبعا معهد .
3. شو هيا المواد يلي ندرسها بشو تتعلق رياضيات ولا فيزيا ولا كيميا
4. اكيد او مادخلتو واجهتو صعوبة شو هيا من ناحيت الدراسة ولغة
5. شو اكتر شي نتمرن عليه من هلا مشان شي يلي ندرسو يكون سهل علينا
6. شو هيا الاخطاء يلي مرتو فيها مشان ماتتكرر معنا
7. اذ عندكم نصايح عطونا مشان يكون عنا فكرة قبل مانغلط بشي
8. جزاكم الله خير 🌹
الجواب يقول :
1_ بس تتخرج تشتغل بشهادتك بالمخابر الخاصة او المشافي بتقدر تفتح مخبر خاص فيك لحالك
2_بالنسبة السنه الأولى كلها نظري وفي ستاج بآخر سنة عبارة عن 30 يوم بتساويه بالمشافي الدولة وهو يكون بالمخبر
3_المواد والفرع كلو بيتعلق بالكيميا وبيعتمد ع الكيميا
4_ الصعوبة رح تلاقيها بكل شي بالمواد وبالدراسة وبدك تتعب ع حالك كتير كتير وصعوبة من ناحية اللغة كمان لانو في مواد بتعتمد ع الاتيني
5_اتمرن ع المصطلحات الطبية لانو كتير كتير مهمة والمعادلات الكيميائية خلي يكون عندك مخزون من المصطلحات الطبية
6_ الأخطاء يلي هي تراكم الدراسة فوق بعضها لازم كل درس بدرسو تفهمو وتدرسو منشان لما تجي ع الامتحان وبدك تدرس بتلاقيه سهل عليك اهم نقطة هي ما تأجل الدراسة لتاني يوم
7_اتعب ع حالك وحب الفرع من قلبك رح تتفوق فيه حتى لو واجهة صعوبة لا تستسلم أبدا اتعب ع حالك وادرس ولا تخلي شي يأثر عليك حتى لو رسبت بكم مادة لا تخليه يأثر ع طموحك ع اجتهادك
🌸🌸🌸🌸 بالتوفيق للجميع وشكرا لكم